286. Ըստ տրված կաղապարների, բարդ նախադասություններ կազմի՛ր։
Այնքան շատ թափվեց սեղանին, որքան կար ճաշի կաթսայի մեջ։
Այնպես փորձեց անել, ինչպես ուսուցիչն էր իրեն սովորեցրել։
Այնտեղ կանգնեցին հանգստանալու, որտեղ կար սրճարան։
Երբ նրանք մտան շենք, հենց այդ ժամանակ սկսվեց ներկայացումը։
287. Տեքստն այնպե՛ս փոխադրիր, որ լուրն իմացվի երկու մարդու զրույցից։
– Իմացել ե՞ս, որ Ճապոնիայի գյուղատնտեսության նախարարությունն ուտելի ծաղիկների մշակման հատուկ ծրագիր է մշակել։
288. Նախադասությունները տարբեր ձևերով կետադրիր այնպե՛ս, որ իմաստը փոխվի։
Մանեն կարդում էր, բոլորովին հանգիստ նրա ձայնը հնչում էր հարթ ու հավասար։
Մանեն կարդում էր բոլորովին հանգիստ, նրա ձայնը հնչում էր հարթ ու հավասար։
Այգուց դուրս եկած միջահասակ մարդուն, Վարդանին նորից հանդիպեցինք ձորում։
Այգուց դուրս եկած միջահասակ մարդուն՝ Վարդանին նորից հանդիպեցինք ձորում։
Աճում էին Հակոբի խնձորենիները, որդիները՝ Արամն ու Արեգը։
Աճում էին Հակոբի խնձորենիները՝ որդիները՝ Արամն ու Արեգը։
Աճում էին Հակոբի խնձորենիները, որդիները, Արամն ու Արեգը։
Երկաթուղու վարչության կառավարիչը, ճաղատ գլխով ու շատ երկար բեղերով մի մարդ, և մյուս հյուրերը երգում էին։
Երկաթուղու վարչության կառավարիչը՝ ճաղատ գլխով ու շատ երկար բեղերով մի մարդ, և մյուս հյուրերը երգում էին։
Այդ կնոջից Սառայի մորից հետո, աներս նորից ամուսնացել է։
Այդ կնոջից, Սառայի մորից հետո աներս նորից ամուսնացել է։
Այդ կնոջից՝ Սառայի մորից հետո, աներս նորից ամուսնացել է։
290. Բ խմբի նախադասություններն Ա խմբի նախադասություններին ավելացրո՛ւ և կետադրի՛ր (մի մասը՝ ստորակետերով, մի մասը՝ փակագծերով)։
Արամը տանն սպասում էր (նրա հետ երեկ էի պայմանավորվել)։
Ընկերը այլալված քայլում էր անկյունից անկյուն, վախից գլուխը կորցրել էր։
Տղայի այդ արարքի մասին պատմել էր նրա մայրը, ա՛յ քեզ զարմանալի պատմություն։
Մարինեն գեղեցիկ ու պայծառ աչքեր ուներ, նա զարմանալի պայծառ ժպիտ ուներ։
Վերջապես գործընկերս եկավ, և մենք միասին դուրս գնացինք (ես հենց նրան էլ սպասում էի)։
Աղջիկն անսպասելիորեն ժպտաց ու պարզեց ձեռքը (նրա անունը, պարզվեց, Մարինե է)։
Մարիամ Մնացականյանի բլոգ 